شعری از داود علی‌پناه آنایوردوم ((کزج)) آنایوردوم! گوزل کندیم! گلمیشم سنه دییم قرخ بشی گچمیشم او دنیانین دا لباسین بیچمیشم گدنّزین یولارنیا دوشمیشم قوردون سسی گجه کندّه دولاردی ایتلر هوروب قاچوب قوردو قوواردی خروسلاری سحر تزدن باننّاردی زندگانلیق، رام باجادان یاغاردی نوخاجاران کزه کندین تاجیدی ورگان چولا اوردان باخیب ساییردی گدننّرین چرتکه سینه سالیردی دای بیلمیرم کیملرگدیب کیم قالیب کیم قورتولوب اولوم الیندن قاچیب قالاننّارین باش - گوزین آق توز باسیب کرنبنین آلتی گوزل باغیدی تاهار گوزه گوزل باغین آدیدی باشدا باغین سو چشمه سی آخیدی آخیپ گدیپ آقا شلارا چاتیدی کردکانین آغا جینا چیخاردیق چوال چوال کردکانین چالاردیق چوالاّری مال حیوانا چاتاردیق یولا دوشوب اوه کیمین چاپاردیق سحر تزدن درزباغا گدمیشیک اوزوملیکده دوشوب گوزدن ایتمیشیک یتیشمین اوزوملرن درمیشیک سوون چکیب ساتمانما گوندرمیشیک اسکنه ده آرپا، بوغدا اکردیک اکیپ، بیچیب، چاتیب، کنده گلردیک جره قوشوب کولشلرین سچردیک دن دوشلرین ده کندّیه توکردیک رواضاندا گدیب بوستان اکمیشیک گدیب اوردان قوون، قارپوز درمیشیک گجه قالیب بوستانا سوورمیشیک میلچگ الیندن درینی سوکمیشیک قزل اوزن چاییندادا چیمیشیک نظامنان کوراشگه مینردیک او دونوچون کویشاننارا گدردیک مین مک اوسته اوزومیزی سویردیگ بیر ساوا شیب بیر باریشیب گلردیک غلامنان ایده لیکده اونیاردیق ایده لری چالیب یره یقاردیق مال حیوانی یونجالیقا سالاردیق مش تسلّی یونجالیقین پوزاردیق قیشدا گلیب دامنان داما یول وریب قاری توکوب رام باجانی دولدیریب سووخ دوشوب کرسیلری قویدیریب مزیکلری قوروتوتا قوشدیریب کزه کندی دولی صنعتگریدی قدیم کزج محبت معدنیدی اوغولاّردا آتالارین الیدی اوستا هیدان باشدا، پالتار بیچردی هرکیم گریب هرنه وریب، تیکردی اوس بالا جا گالوش باشماق ایشیدی آرواد اوشاقران، اوده ایش چکییدی اوسا کریم ستکلره باخاردی گوموش پولی بیلرزیگه، تاخاردی ولی عمی، ایشی یولا سالاندی تاپیشیراردی بالام گوزله آماندی تز یتیرون یوکلری گون باتاندی سیاب عمی، اوستالار اوستاسیدی کیشی لرین باش سقلّین بیچیدی اوشاقلارین شنگولوسون کسیدی آغریانین دیشین دونوب چکیدی کاّدا دیوان، کتّده کاّتا اولاندا آراقاتیب، مذهب ایتین زاماندا سنی شیعه بیر بیرینه باتاندا تز یتیشیب داوالاری پوزاردی هرکیم اوندا، اوزحقینه چاتاردی ایل بایرامی محبت لر جوشاردی چرشنبه لیک، مجمه لره دولاردی آداخلی لار آداخلیسین تاپاردی اورک وریب، بویرک توتوب آلاردی جوانلیقین باجاسیندان باخاردی جواننّارون یومورتا اوینیاندا سناننّاری اوتوب-اوتوزدوراندا فقط اونون خاطره سی قالیبدی هرکس گدیپ قراخلاری آشیبدی گوزل گویچک رسم لری آتیبدی اوشاقلارون قانّاداینب اوچوبلار اوچوب گدیب غربت یره قونوبلار چالیشمالی روزگاردان اوتوبلار امّا حیف! سنّن اوزاخ قالوبلار نه بیلیدیم که روزگار چونجک آتام اوی خرابیه دونجگ یریوردومیز چراغلاری سونجک قسمت اولا، بیرده یادا اولمیا کیملر گدیب کیملر قالیب سولمیا عمرلرین پیمانه سی دولمیا داود اوغول، بیرده سنی یوخلیا |
